1.png)
01-02-2024 RJ
ఆంధ్రప్రదేశ్
అమరావతి, ఫిబ్రవరి 1: బడ్జెట్ లో ఏపీ ప్రజలకు కేంద్ర ప్రభుత్వం నిరాశ మిగిల్చిందని, వారి ఆశలపై నీళ్లు చల్లిందని సీడబ్ల్యూసీ సభ్యుడు గిడుగు రుద్రరాజు మండిపడ్డారు. కార్పొరేట్లకు మేలు చేకూర్చేలా కేంద్రం కార్పొరేట్ ట్యాక్స్ ను తగ్గించిందని ఆరోపించారు. కేంద్రమంత్రి నిర్మలా సీతారామన్ గురువారం ప్రవేశపెట్టిన మధ్యంతర బడ్జెట్ పై వ్యాఖ్యలు చేశారు. గత కాంగ్రెస్ ప్రభుత్వం ఇచ్చిన ప్రత్యేక హోదా, విభజన హామీలు, దుగరాజపట్నం పోర్టు, పోలవరం ప్రాజెక్ట్ ను కేంద్రం పట్టించుకోలేదని ఆగ్రహం వ్యక్తం చేశారు.
విజభన హామీలను అమలు చేయడంతో పాటు పోలవరం ప్రాజెక్టుకు తగిన నిధులు ఇవ్వాలని, అలాగే నిర్వాసితులకు నష్టపరిహారంగా పునరావాసం కల్పించాలని పీసీసీ లేఖ రాసినా.. ప్రభుత్వం నుంచి స్పందన రాలేదని ధ్వజమెత్తారు. హోంశాఖ, ఆర్థిక శాఖ మంత్రులకు కూడా లేఖ రాశామని, వారి నుంచి కూడా స్పందన లేదని చెప్పారు. ఎన్డీఏ ప్రధాని అభ్యర్థిగా నరేంద్ర మోదీ తిరుపతికి వచ్చినప్పుడు.. ఏపీకి తప్పకుండా ప్రత్యేక హోదా ఇస్తామని హామీ ఇచ్చారని, కానీ అది నెరవేర్చలేదని గిడుగు రుద్రరాజు విమర్శించారు.
అసలు రాష్ట్ర విభజనకు బీజం వేసిందే బీజేపీ అని విరుచుకుపడ్డారు. విభజన చట్టాన్ని అమలు చేయాల్సిన బాధ్యత కేంద్ర ప్రభుత్వంపైనే ఉందని, కానీ కేంద్రం ఏమాత్రం పట్టించుకోవడం లేదని నిప్పులు చెరిగారు. కార్పొరేట్లకు దేశాన్ని దోచిపెట్టేలా కేంద్రం వ్యవహరిస్తోందని ఆరోపణలు గుప్పించారు. ఏపీకి కేంద్రం చేస్తున్న నష్టాన్ని పీసీసీ షర్మిల నేతృత్వంలో ఏపీ కాంగ్రెస్ నేతలు జాతీయ నాయకులకు వివరిస్తామని తెలిపారు.
శుక్రవారం ఉదయం 11 గంటల సమయంలో కాంగ్రెస్ జాతీయ అధ్యక్షుడు మల్లికార్జున ఖర్గేను కలుస్తామన్నారు. ఏపీకి ప్రత్యేక హోదా, విభజన హామీల కోసం కాంగ్రెస్ పార్టీ తన పోరాటం కొనసాగిస్తూనే ఉంటుందని గిడుగు రుద్రరాజు చెప్పుకొచ్చారు.
ఏపీలో భారీ వర్షాలుతో.. ఏడుగురి మృతి
అనకాపల్లి జిల్లాలో.. ఫార్మా యూనిట్‌లోని రియాక్టర్‌ పేలుడు, 14 మంది మృతి
ప్రతి ఇల్లు, కార్యాలయంపై త్రివర్ణ పతాకాన్ని ఎగురవేయాలని ఆంధ్రా సీఎం పిలుపునిచ్చారు
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
.png)
ఏపీ లో.. పొత్తుల కత్తులు | AndhraPradesh | TDP | Janasena | BJP
జవహర్‌లాల్ నెహ్రూ జర్నలిస్ట్స్ MAC హౌసింగ్ సొసైటీకి భూమి కేటాయింపు
గ్రేటర్ జర్నలిస్టుల సొసైటీకి ఇళ్ల స్థలాలివ్వాలి
మమ్మల్ని ఆదరించే ప్రజలకు మేం ఎప్పుడు అండగా ఉంటాం: రాఘవేంద్రరావు
దిల్ రాజు ప్రొడ‌క్ష‌న్స్ బ్యాన‌ర్‌పై రూపొందిన తాజా చిత్రం ‘జనక అయితే గనక’
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
ఏపీ లో.. పొత్తుల కత్తులు | AndhraPradesh | TDP | Janasena | BJP
