ఎపి ఎన్నికల కౌంటింగ్‌కు ప్రత్యేక ఏర్పాట్లు

• కౌంటింగ్‌ కేంద్రాల వద్ద 144 సెక్షన్‌ అమలు
• భారీగా బందోబస్తు ఏర్పాటు చేస్తున్న ఎన్నికల సంఘం
• ఫలితాలను ఎప్పటికప్పుడు ప్రకటించేలా చర్యలు

అమరావతి, మే 29: ఎపిలో నెలకొన్న తాజా పరిస్థితుల నేపథ్యంలో కేంద్ర ఎన్నికల సంఘం కౌంటింగ్‌ కోసం ప్రత్యేక ఏర్పాట్లు చేస్తున్నది. భద్రతాబలగాలను రంగంలోకి దింపుతోంది. పార్లమెంట్‌, అసెంబ్లీ ఎన్నికల కౌంటింగ్‌ కావడంతో కౌంటింగ్‌ కేంద్రాల వద్ద 144 సెక్షన్‌ విధించి, బలగాలను పహారా పెడుతున్నారు. మూడు రోజులపాటు మద్యం అమ్మకాలపై ఆంక్షలు విధించారు. విజయోత్సవాలను నిషేధించారు.  ఎన్నికల కౌంటింగ్‌ కేంద్రాలలో సీసీ కెమెరాలు ఏర్పాటు చేయాలని సెంట్రలైజ్డ్‌ కంట్రోల్‌ రూము అందుబాటులోకి తీసుకురావాలని రాష్ట్ర ప్రధాన ఎన్నికల అధికారి ముఖేష్‌ కుమార్‌ విూనా ఇప్పటికే  అధికారులకు సూచించారు. జూన్‌ 4న చేపట్టనున్న ఓట్ల లెక్కింపుకు సంబంధించిన ఏర్పాట్లను ప్రధాన ఎన్నికల అధికారి ముఖేష్‌ కుమార్‌, డీజీపీ హరీష్‌ కుమార్‌ గుప్తాలు సవిూక్షించారు. తీసుకోవాల్సిన జాగ్రత్తలపై చర్చించారు.  కౌంటింగ్‌ పక్రియ చేపట్టేందుకు చేసిన, చేస్తున్న ఏర్పాట్లను పరిశీలించి సంతృప్తి వ్యక్తం చేశారు. అలాగే సార్వత్రిక ఎన్నికల కౌంటింగ్‌కు అన్ని రాజకీయ పార్టీల నాయకులు సహకరించాలని ఎన్నికల అధికారులు కోరారు.

కౌంటింగ్‌కు వచ్చే ఆయా పార్టీల ఏజెంట్లు ముందస్తుగానే పాసులు తీసుకోవాల్సి ఉంటుందన్నారు. కౌంటింగ్‌ వచ్చే అభ్యర్థులు, ఏజెంట్లు వాహనాలను కౌంటింగ్‌ కేంద్రం వద్దకు అనుమతించేందుకు ముందస్తుగానే పాస్లు తీసుకోవాలన్నారు. కౌంటింగ్‌ కేంద్రంలోకి సెల్‌ఫోన్లు, ఎలక్టాన్రిక్‌ పరికరాలను అనుమతిచ్చేది లేదన్నారు. అత్యంత పారదర్శకంగా, జవాబుదారీతనంతో ఓట్ల లెక్కింపు పక్రియను నిర్వహించేందుకు చేపట్టిన చర్యలను వివరించారు. ఈసారి భారీగా కౌంటింగ్‌ సూపర్‌ వైజర్లు, కౌంటింగ్‌ అసిస్టెంట్లు, మైక్రోఅబ్జర్వర్లు తదితరులతో పాటు ఇతర సిబ్బంది కౌంటింగ్‌ పక్రియ అనుబంధ విధుల్లో పాల్గొననున్నట్లు తెలిపారు. కౌంటింగ్‌ కేంద్రాల వద్ద కట్టుదిట్టమైన భద్రతా ఏర్పాట్లు చేస్తున్నామని సూక్ష్మ పరిశీలన, సీసీ కెమెరాల నిఘా మధ్య పక్రియను నిర్వహించనున్నట్లు పేర్కొన్నారు. ఎక్కడా ఎలాంటి గందరగోళానికి తావులేకుండా సరైన విధంగా బ్యారికేడిరగ్‌, సూచిక బోర్డులు ఏర్పాటు, వాహనాల పార్కింగ్‌, విూడియా కేంద్రం ఏర్పాటు, రౌండ్ల వారీగా ఫలితాల వెల్లడి ప్రణాళిక, అభ్యర్థులు, కౌంటింగ్‌ ఏజెంట్లకు అవసరమైన ఏర్పాట్లు, మార్గదర్శకాల మేరకు కౌంటింగ్‌ టేబుళ్ల ఏర్పాటు తదితర అంశాలను వివరించారు.

కౌంటింగ్‌ రోజు, ఆ తరువాత ఎంత వరకు అవసరమో అంతవరకు 144 సెక్షన్‌ అమలులో ఉంటుందన్నారు. ఎన్నికల్లో గెలుపోటములు సహజమని, ఒకరు గెలిస్తే మరొకరు ఓడతారని, గొడవలు చేసినంత మాత్రాన ఫలితాలు తారుమారు కావన్నారు. ప్రజలు ఇచ్చిన తీర్పును ప్రతి ఒక్కరూ గౌరవించాలన్నారు. ఓట్ల లెక్కింపు అనంతరం ఈవీఎంలను స్ట్రాంగ్‌ రూమ్‌లకు తరలించేంత వరకు అభ్యర్థుల ఏజెంట్లు అందుబాటులో ఉండాలన్నారు. ఫలితాలు వెలువడిన అనంతరం గెలిచిన, ఓటమి పాలైన అభ్యర్థులు, వారి ప్రతినిధులు శాంతి భద్రతలకు విఘాతం కలిగించకుండా జాగ్రత్తలు పాటించాలన్నారు. ఫలితాలు వెలువడిన తరువాత ఊరేగింపులు, డీజేలకు, ర్యాలీలకు అనుమతులు లేవన్నారు.రౌండ్ల వారీగా ఓట్లు లెక్కింపు చేపట్టి జాప్యం లేకుండా ఫలితాల వెల్లడికి చర్యలు తీసుకుంటున్నట్లు సీఈఓ విూనా తెలిపారు. కౌంటింగ్‌ సెంటర్‌లో, సెంటర్‌ బయట  జరిగేటప్పుడు అవాంచనీయ సంఘటనలు సంబంధిత రిటర్నింగ్‌ అధికారి వెంటనే స్పందించాలని తెలిపారు.

అలాగే పోలింగ్‌ రోజున ఈవీఎంలు ధ్వంసం చేసిన కేసులలో ఉన్న వారిని, పోలింగ్‌ ముందు రోజు, పోలింగ్‌ తర్వాత రోజున హింసాత్మక ఘటనలలో పాల్గొన్న వారిని కౌంటింగ్‌ ఏజెంట్లుగా నియమించవద్దని విూనా సూచించారు. డీజీపీ హరీష్‌ కుమార్‌ గుప్తా మాట్లాడుతూ.. ఎన్నికల ఓట్ల లెక్కింపు సందర్భంగా జూన్‌ 3, 4, 5 తేదీలలో మద్యం అమ్మకాలు నిషేధించినట్లు చెప్పారు. ఎప్పటికప్పుడు సామాజిక మాధ్యమాల్లో వస్తున్న వార్తలను పరిశీలించాలన్నారు. జిల్లాలోని అన్ని హోటళ్లు, లాడ్జీల్లో ముమ్మర తనిఖీలు చేసి అనుమానితులను అదుపులోకి తీసుకోవాలని డీజీపీ సూచించారు. శాంతి భద్రతలకు విఘాతం కలిగించే వారిపై కఠినచర్యలు తీసుకుంటామని తెలిపారు. ఓట్లలెక్కింపు కేంద్రంవద్దకు ఎలాంటి ఆయుధాలతో రాకూడదని, మత్తు పదార్థాలు సేవించి రాకూడదన్నారు.