1.png)
21-06-2024 RJ
తెలంగాణ
నిజామాబాద్, జూన్‌ 21: మాజీ స్పీకర్‌, బాన్సువాడ ఎమ్మెల్యే పోచారం శ్రీనివాసరెడ్డి బిఆర్‌ఎస్‌ వీడి కాంగ్రెస్‌లో చేరడంతో జిల్లాలో ఇక బిఆర్‌ఎస్‌ ఖాళీ కానుందన్న ప్రచరం సాగుతోంది. ఆయన అనుచరులు కూడా త్వరలోనే పార్టీని వీడుతారని అంటున్నారు. మాజీ మంత్రి, బాన్సువాడ బీఆర్‌ఎస్‌ ఎమ్మెల్యే పోచారం శ్రీనివాస్‌ రెడ్డి ఇంటికి వెళ్లిన సీఎం రేవంత్ రెడ్డి మరీ కలిశారు. సీఎం వెంట మంత్రి పొంగులేటి శ్రీనివాస్‌ రెడ్డి కూడా ఉన్నారు. సీఎం ఆహ్వానం మేరకు పోచారం శ్రీనివాస్‌ రెడ్డి ఆయన కుమారుడు భాస్కర్‌ రెడ్డి కాంగ్రెస్‌ పార్టీలో చేరారు. వీరి చేరిక ఉమ్మడి నిజామాబాద్ జిల్లాలో రాజకీయ ప్రకంపనలు సృష్టిస్తోంది. ఎమ్మెల్యే పోచారం శ్రీనివాస రెడ్డి బాటలోనే బాన్సువాడ బీఆర్‌ఎస్‌ శ్రేణులు పయనిస్తున్నాయి. ఆయనతో పాటు కాంగ్రెస్‌లో చేరిపోతున్నారు బీఆర్‌ఎస్‌ శ్రేణులు. ఫలితంగా త్వరలోనే బీఆర్‌ఎస్‌ శిబిరం ఖాళీ అవనున్నట్లు కనిపిస్తోంది.
ఇక ఉమ్మడి జిల్లా వ్యాప్తంగానూ ఇదే పరిస్థితి నెలకొంది. కామారెడ్డి, ఎల్లారెడ్డి, జుక్కల్‌ నియోజకవర్గ నేతలు సైతం కాంగ్రెస్‌ వైపు తొంగి చూస్తున్నారు. పోచారం వెంట కాంగ్రెస్‌లోకి వెళ్లేందుకు ప్రయత్నాలను ముమ్మరం చేస్తున్నారు. గతంలోనూ ఇదే సీన్‌ జరిగింది. అప్పట్లో టీడీపీ నుంచి టీఆర్‌ఎస్‌లో(బీఆర్‌ఎస్‌) చేరిన మొదటి నేత పోచారం శ్రీనివాస్‌ రెడ్డి. ఇప్పుడు కూడా పోచారం వెంట అదే సీన్‌ రిపీట్‌ అయ్యే సూచనలు కనిపిస్తున్నాయి. అప్రతిహతంగా పదేళ్లు రాష్టాన్ని ఏలిన పార్టీ బీఆర్‌ఎస్‌కు గడ్డుకాలం నడుస్తోంది. అసెంబ్లీ, పార్లమెంట్‌ ఎన్నికల ఫలితాలు.. ఆ పార్టీ ఉనికినే ఇప్పుడు ప్రశ్నార్థకంగా మార్చేశాయి. 39 మంది ఎమ్మెల్యేలు గెలుపొందగా.. పార్లమెంట్‌ ఎన్నికల్లో ఒక్క సీటు కూడా గెలుచుకోలేకపోయింది. దీంతో.. పార్టీ నేతలు పక్క చూపులు చూస్తున్నారు.
కాంగ్రెస్‌, బీజేపీలో చేరేందుకు సిద్ధమైపోతున్నారు. ఇప్పటికే పలువురు బీఆర్‌ఎస్‌ పార్టీ ఎమ్మెల్యేలు, ముఖ్య నేతలు కాంగ్రెస్‌, బీజేపీల్లోకి వలస వెళ్లగా.. ఇప్పుడు మరికొందరు నేతలు అదే బాటలో ఉన్నారు. ముఖ్యంగా ఇప్పుడు ఉన్న ఎమ్మెల్యేలు కాంగ్రెస్‌, బీజేపీలో చేరేందుకు చర్చలు జరుపుతున్నట్లు సమాచారం అందుతోంది. ఈ విషయంలో కాంగ్రెస్‌ పార్టీ ఒక అడుగు ముందుగానే ఉందని చెప్పొచ్చు. సీఎం రేవంత్ రెడ్డి అటు పాలనలో.. ఇటు కాంగ్రెస్‌ పార్టీని బలోపేతం చేయడంలోనూ తనదైన మార్క్‌ చూపిస్తున్నారు. ఇప్పటికే పలువురు బీఆర్‌ఎస్‌ ఎమ్మెల్యేలను స్వయంగా కలిసిన ఆయన.. కాంగ్రెస్‌లోకి ఆహ్వానించారు.
జవహర్‌లాల్ నెహ్రూ జర్నలిస్ట్స్ MAC హౌసింగ్ సొసైటీకి భూమి కేటాయింపు
గ్రేటర్ జర్నలిస్టుల సొసైటీకి ఇళ్ల స్థలాలివ్వాలి
బాధిత కుటుంబానికి ప్రభుత్వం ఎల్లవేళలా అండగా ఉంటుంది: సీఎం రేవంత్
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
.png)
ఏపీ లో.. పొత్తుల కత్తులు | AndhraPradesh | TDP | Janasena | BJP
జవహర్‌లాల్ నెహ్రూ జర్నలిస్ట్స్ MAC హౌసింగ్ సొసైటీకి భూమి కేటాయింపు
గ్రేటర్ జర్నలిస్టుల సొసైటీకి ఇళ్ల స్థలాలివ్వాలి
మమ్మల్ని ఆదరించే ప్రజలకు మేం ఎప్పుడు అండగా ఉంటాం: రాఘవేంద్రరావు
దిల్ రాజు ప్రొడ‌క్ష‌న్స్ బ్యాన‌ర్‌పై రూపొందిన తాజా చిత్రం ‘జనక అయితే గనక’
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
ఏపీ లో.. పొత్తుల కత్తులు | AndhraPradesh | TDP | Janasena | BJP
