1.png)
25-05-2024 RJ
జాతీయం
మైసూర్‌, మే 25: ప్రధాని మోడీ హోటల్‌లో బస చేసినందుకు గాను చెల్లించాల్సిన 80 లక్షల రూపాయల బిల్లు వ్యవహారం వివాదంగా మారింది. అటు రాష్ట్ర ప్రభుత్వం, ఇటు కేంద్రం వీటిని చెల్లించకపోవడంతో చట్టపరమైన చర్యలు తీసుకోనున్నట్లు మైసూర్‌ రాడిసన్‌ బ్లూ ప్లాజా హోటల్‌ యాజమాన్యం బెదిరింపులకు దిగింది. వివరాల్లోకి వెళితే.. ప్రధాని మోడీ గతేడాది ఏప్రిల్‌ నెలలో నేషనల్ టైగర్‌ కన్జర్వేషన్‌ అథారిటీ (ఎన్‌టిసిఎ), పర్యావరణ, అటవీ, వాతావరణ మార్పు మంత్రిత్వశాఖ (ఎంఓఇఎఫ్‌) ఆధ్వర్యంలో నిర్వహించిన 50 సంవత్సరాల ప్రాజెక్టు టైగర్‌ ఈవెంట్ మైసూర్‌లో జరిగింది. ఈ కార్యక్రమం ఏప్రిల్‌ 9 నుంచి 11 వరకు జరిగింది.
ఈ ఈవెంట్‌ని ప్రారంభించేందుకు ప్రధాని నరేంద్రమోడీ మైసూర్‌కి వచ్చి అక్కడ ఉన్న రాడిసన్‌ బ్లూ ప్లాజా హోటల్‌లో బస చేశారు. దీనికిగానూ రూ. 80.6 లక్షల రూపాయల బిల్‌ అయింది. అయితే ఈ బిల్స్‌ని హోటల్‌కి చెల్లించలేదు. ఈ బకాయిలను చెల్లించాలని కర్ణాటక ప్రిన్సిపల్‌ చీఫ్‌ కన్జర్వేటర్‌ ఆఫ్‌ ఫారెస్ట్స్‌ (వైల్డ్‌ లైఫ్‌).. న్యూఢిల్లీ ఎన్‌టిసిఎ డప్యూటీ ఇన్‌స్పెక్టర్‌ జనరల్‌కి లేఖ రాసింది. అయితే ఈ హోటల్‌ బకాయిలను కర్ణాటక రాష్ట్ర ప్రభుత్వమే చెల్లించాలని ఎన్‌టిసిఎ తిరిగి ఈ ఏడాది ఫిబ్రవరి 12న లేఖ రాసింది. అయితే బకాయిలు చెల్లించకపోవడంతో మరోసారి మార్చి 22వ తేదీన ఫారెస్ట్‌ డిపార్ట్‌మెంట్‌ (పిసిసిఎఫ్‌) ప్రిన్సిపల్‌ సుభాష్‌ కె. మల్ఖేడే ఎన్‌టిసిఎకు లేఖ రాశారు.
సుభాష్‌ రాసిన లేఖకు సంబంధించి ఎన్‌టిసిఎ సమాధానం ఇవ్వలేదు. ఆ తర్వాత ’ఏడాది గడిచినా హోటల్‌లో బస చేసినందుకు బిల్లు చెల్లించలేదు’ అని మే 21న ఈ హోటల్‌ ఫైనాన్స్‌ జనరల్‌ మేనేజర్‌ డిప్యూటీ కన్జర్వేటర్‌ ఆఫ్‌ ఫారెస్ట్‌ చీఫ్‌ బసవరాజుకు లేఖ రాశారు. బకాయిలు సరైన సమయంలో చెల్లించనందుగాను 12.09 లక్షలు, మొత్తం డబ్బు సంవత్సరానికి 18 శాతం వడ్డీతో కలిపి చెల్లించాలని బ్లూ ప్లాజా యాజమాన్యం లేఖలో పేర్కొంది. ఈ బకాయిల్ని ఈ ఏడాది జూన్‌ 1వ తేదీ లోపు చెల్లించని పక్షంలో చట్టపరమైన చర్యలు తీసుకుంటామని హోటల్‌ యాజమాన్యం బెదిరించింది. అయితే ఈ కార్యక్రమం కేంద్ర ప్రభుత్వం నిర్వహించిందన్న కారణంతో.. రాష్ట్ర ప్రభుత్వం ఈ హోటల్‌కి చెల్లించే బకాయిల్ని చెల్లించేందుకు తిరస్కరించిందని ఫారెస్ట్‌ చీఫ్‌ బసవరాజు అన్నారు.
సూరత్‌లో కుప్పకూలిన భవనం.. 15మందికి తీవ్ర గాయాలు
ఢిల్లీలో బిజీబిజీగా సిఎం చంద్రబాబు.. పలువురు కేంద్రమంత్రులతో భేటీ
రాష్ట్రానికి ఆర్థిక సాయం చేసి ఆదుకోండి
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
.png)
ఏపీ లో.. పొత్తుల కత్తులు | AndhraPradesh | TDP | Janasena | BJP
జవహర్‌లాల్ నెహ్రూ జర్నలిస్ట్స్ MAC హౌసింగ్ సొసైటీకి భూమి కేటాయింపు
గ్రేటర్ జర్నలిస్టుల సొసైటీకి ఇళ్ల స్థలాలివ్వాలి
మమ్మల్ని ఆదరించే ప్రజలకు మేం ఎప్పుడు అండగా ఉంటాం: రాఘవేంద్రరావు
దిల్ రాజు ప్రొడ‌క్ష‌న్స్ బ్యాన‌ర్‌పై రూపొందిన తాజా చిత్రం ‘జనక అయితే గనక’
జిల్లేడు చెక్కతో చేసిన ప్రతిమను పూజిస్తే చాలు | RJ Darshini
ఏపీ లో.. పొత్తుల కత్తులు | AndhraPradesh | TDP | Janasena | BJP
